उनको बोली राम्रो त्यसैमा मन गयो
हानेको गोली राम्रो त्यसैमा मन गयो
छम-छम गर्ने पाउजु अनि शिरको सिरबंदी
लगाएको चोली राम्रो त्यसैमा मन गयो
लज्जालु नजरको नशालु आँखाले दिएको
पानको सोली राम्रो त्यसैमा मन गयो
तिर्खाएको थिएँ, उनको रै’छ कल-कल गर्ने
मायाको खोली राम्रो त्यसैमा मन गयो
सपनीमा देखे मैले सिन्दुर,पोते अनि तिमी
बसेको त्यो डोली राम्रो त्यसैमा मन गयो !
No comments:
Post a Comment