गजल 
नारीलाई पैतालाको धुलो सम्झिने यो सीताको देश हो
छोयर जतिसुकै झूठ बोल्न पाईने यो गीताको देश हो

 जति नै भलो गर्न खोजे पनि उल्टै कुभलो हुन्छ यहाँ
यो सतीको श्राप अनि भिम मल्लको चित्ताको देश हो

कोहि जङ्गलतिर पस्छन, कोहि सुरा सुन्दरीतिर फस्छन्
यो यिनै भोलिको  राष्ट्र हाँक्ने कर्णधार ठिटाको देश हो

 घरमा वेद र पूराण छाँटेर आफूचाहीँ भट्टिमा लडने
यो यस्तै—यस्तै पाखण्डी र भ्रष्ट पण्डितपिताको देश हो

योग्यता र पढाईलाई रद्दिको टोकरीतिर फाले हुन्छ

यो फरियावाद सोर्सफोर्स अनि पैसाका विटाको देश हो

                                   मिलनप्रसाद कोईराला