सकिन बाँढ्न नयावर्षको शुभकामना   डम्बर ओस्ती (क्यानेडा)
　　
नया वर्ष आयो

शुभकामना आदन प्रदान हुन थाले

मलाई पनि शुभकामना आइरहेका छन्

सोच्दैछु

यसपालिको नया वर्षमा के शुभकामना साटु

सबैले सफलताको कामना गर्छन्

खोइ म त आफै

असफल जीवन भोगिरहेछु

कसरी दिउ अरुलाई सफलताको शुभकामना

आफैँ गतिहीन छु

कसलाई दिउ प्रगतिको शुभकामना

आफ्नै लक्ष हरइरहेको अवस्थामा

कसलाई गरुँ लक्ष प्राप्तीको कामना

आफैँ अस्पतलको शैयामा बिहोस छु

कसलाई दिँउ सुस्वस्थको शुभकामना

आफू नै रिणमा चुर्लुम्म डुबेकोछु

खोइ कसलाई दिउँ

सम्वृद्धिको शुभकामना

त्यसैले मित्रहरु

सकिन बाढ्न नयावर्षको शुभकामना